अळी

१) पाने गुंडाळणारी अळी(Leaf folder Sylepta derogata Fabricius):-

पाने गुंडाळणारी अळी

पाने गुंडाळणारी अळी

पाने गुंडाळणारीअळी ही कापसाची एक गौण कीड आहे. या किडीचा प्रादुर्भाव ऑक्टोबर ते नोव्हेंबर या महिन्यात आढळतो. किडीची अळी पानाची गुंडाळी करते. गुंडाळी केलेले पाने नरसाळ्यासारखे दिसतात. अळी पानामध्ये लपून राहून कडेकडेने पान खात असते. परिणामतः पिकाची वाढ समाधानकारक होत नाही.

२) ऊंटअळी (Semilooper Anomis flava Fabricius):-

                                           ऊंटअळी 

                                ऊंटअळी 

ही अळी हिरवी लांब व पिवळे पट्टे असलेली असते. मादी पतंग गोलाकार पिवळसर एक एक अंडी पानाच्या पृष्ठभागावर घालते. अंड्यातून निघालेल्या लहान अळ्या सुरुवातीला पानाचा पृष्ठभाग कुरतडतात व जाळीदार करतात. मोठ्या अळ्या पाने खातात. तीव्र प्रादुर्भाव झाल्यास झाडे पर्णहीन होतात. पिकाच्या बाह्यवृद्धीच्या काळात ह्या किडीचा प्रादुर्भाव जास्त असतो. प्रादुर्भावग्रस्त झाडे निस्तेज व मलूल होतात.

अळी व्यवस्थापनात :- नैसर्गिक मित्रकिडींचा तसेच रासायनिक फवारणी उपयोग

• नैसर्गिक मित्रकिडीं (जाणून घेण्यासाठी क्लिक करा):-https://mahashetkari.blogspot.com/2019/07/blog-post_6.html

• रासायनिक फवारणी (जाणून घेण्यासाठी क्लिक करा) :- https://mahashetkari.blogspot.com/2019/07/blog-post_7.html

३) तंबाखूची पाने खाणारी अळी(Tobacco leaf eating caterpillar Spodoptera litura):-

                          तंबाखूची पाने खाणारी अळी

तंबाखूची पाने खाणारी अळी

लहान अळ्या पानाचा हिरवा भाग खरवडून खातात आणि मोठ्या अळ्या पानाच्य कडेने खातात. तसेच अळी कळ्या, फुले व बोंडसुध्दा खाते. बोंडाला मोठी छिद्रे आढळून येतात. व तेथे पिवळसर हिरवी किंवा गडद हिरवी विष्ठा आढळून येते. बहुजातीय पिकांचे नुकसान करणाऱ्या या किडीचा ऑगस्ट महिन्यात सोयाबीनच्या पिकावर मुख्यत्वे प्रादुर्भाव आढळतो. तंबाखूची अळी मळकट हिरव्या रंगाची असून तिच्या शरीरावर पिवळसर नारंगी रेषा आणि काळे ठिपके असतात. पूर्ण वाढलेली अळी ३०-४० मी. मी. लांब असते. मादी पुंजक्याने पानावर अंडी घालते. अंड्यातून निघालेल्या अळ्या सामूहिकपणे पानाचा हिरवा पदार्थ खातात. त्यामुळे पाने जाळीदार दिसतात.

४) नागअळी :- 

नागअळी

नागअळी

नागअळी ही प्रामुख्याने वेलवर्गीय पिकांवर आढळून येते, टरबूज( कलिंगड ) , खिरे, काकडी इ. नागअळीचा प्रादुर्भाव हा पानाच्या आतील भागातून असतो. म्हणून आपण ती अळी डोळ्यांनी बघू शकत नाही, नागअळीचा प्रादुर्भाव हा कपाशी २ ते ३ पानावर असताना आढळून येतो. या मध्ये कपाशीच्या पानांवर पांढऱ्या(सफेद) रंगाच्या रेषा (नाग गेल्या सारखा वळणदार रेषा ) दिसतात. वेलवर्गीय पिकानंतर जर कपाशीची लागवड केली तरच ह्या नागअळी चा प्रादुर्भाव दिसून येतो. नागअळी च्या नियंत्रणा नंतर ही प्रादुर्भावग्रस्त पाने तसेच दिसून येतात. परंतु नवीन येणारी पानांवर नागअळी दिसून येत नाही.

• नागअळी नियंत्रण :- नागअळी नियंत्रणासाठी शार्क (Shark ) ह्या अळीनाशकाची फवारणी करावी. १८ लिटर च्या पंपामध्ये २५ मी. ली. शार्क आणि १० मी. ली. सेव्हर (स्टिकर ) वापरावे. 
• नोट:- शेतामध्ये कुठल्याही रासायनिक फवारणी करताना सेव्हर (स्टिकर) वापरणे गरजेचे आहे. सेव्हर चा उपयोग केल्याने फवारलेले औषध हे पानांवर चिकटून राहते. जेणे करून औषध पूर्ण लागू होतील.