ऊसाच्या सुधारित जाती

आपण यात एकूण उसाच्या १० सुधारित जाती बघणार आहोत, उसाच्या लागवडीचा हंगाम, त्यांचे उत्पादन क्षमता इ. या मध्ये सर्व प्रचलित व लावणीसाठी योग्य जातींचाच समावेश आहे.

उसाच्या जाती

उसाच्या जाती

१) को - ७४० :- 

को - ७४० ही जात तिन्ही हंगामात लागवडीस योग्य जात असून भरपूर फुटवे, साखरेचे प्रमाण माध्यम पाण्याच्या ताणास प्रतिकारक्षम आहे. खोडव्यास उत्तम, ऊस लोळला तरी मोडत नाही, हा ऊस उशिरा पक्व होत असून सरासरी हेक्टरी १२५ टन उत्पादन मिळते.

२) को - ७२१९ ( संजीवनी) :- 

को - ७२१९ ही जात सुरु व पूर्व या दोन्ही हंगामात लागवडीस योग्य आहे. याचा ऊस लोळतो पण मोडत नाही. पाण्याच्या ताणास संवेदनशील असून गाळपास लवकर येते. या वाणाचे सरासरी हेक्टरी १३० टन उत्पादन मिळते.

३) को.एम. - ७१२५ (संपदा):- 

 ही जात सुरु हंगामात लागवडीस योग्य असून ऊस लोळण्याचे प्रमाण कमी आहे, सर्व प्रकारच्या जमिनीसाठी योग्य तसेच गुळासाठी चांगली व खोडवा साठी उत्तम आहे. ही जात मध्यम उशिरा तयार होणारी असून हेक्टरी सरासरी ११० टन उत्पादन मिळते.

४) को - ७५२७ :- 

ही जात सुरु हंगामासठी योग्य असून, पक्कता दीर्घकाळ टिकते. पाण्याचा ताणास काही प्रमाणात प्रतिकारक्षम असून पक्कता मध्यम कालावधीत होते. हेक्टरी सरासरी ११० टन उत्पादन मिळते.

५) को - एम - ८८१२१ :- 

 ही जात तिन्ही हंगामात लावण्यास योग्य असून ऊस लोळण्याचे प्रमाण कमी आहे, तसेच खोडव्यासाठी चांगले आहे. माध्यम, उशिरा कालावधीत पक्क होत असून हेक्टरी सरासरी १५५ टन उत्पादन मिळते.

६) को - ८०१४ :- 

 ही जात सुरु व पूर्व हंगामात लावता येते. खोडव्यासाठी चांगली असून सातारा, सांगली व कोल्हापूरसाठी शिफारस केली जाते. लवकर पक्क होणारी जात असून हेक्टरी सरासरी १३५ टन उत्पादन मिळते.

७) को - ८६०३२ :- 

 ही जात तिन्ही हंगामात लागवडीस योग्य जात असून ऊस लोळत नाही. गुळासाठी चांगला, पाण्याच्या ताणास प्रतिकारक्षम असून लवकर पक्क होते. हेक्टरी सरासरी १४० टन उत्पादन मिळते.

८) VSI - ४३४ :- 

 या जातीची लागवड तिन्ही हंगामात करता येते. काणी, गवताळ रोगास प्रतिकारक्षम असून साखरेचे प्रमाण अधिक आहे. मध्यम कालावधीत पक्क होत असून हेक्टरी १५५ ते १६० टन उत्पादन मिळते.

९) फुले सावित्री - ९४०१२ :- 

या जातीची लागवड तिन्ही हंगामात करता येते. खोडकीड, शेंडे मर, कोणी, तांबेरा रोगास बळी पडत नसून साखरेचा उतारा जास्त आहे. लवकर पक्क होत असून हेक्टरी १३५ ते १४० टन उत्पादन मिळते.

१०) को - २६५ :- 

ही जात ऊस संशोधन केंद्र पाडेगाव येथून विकसित केली आहे. हा ऊस हिरवट रंगाचा जाड, उंच होतो. क्षारयुक्त जमिनीतही लागवड यशस्वी होते. पाण्याचा ताण सहन करते. १७ - १८ महिने शेतात राहिला तरी दाशी पडत नाही, खोडवा चांगला येतो. फुटे अधिक फुटतात. तिन्ही हंगामात लागवडीस योग्य असून आडसाली लागणीच्या ऊस ३ ते ३.५ किलो. पूर्व हंगामी २ ते २.५ किलो. तर सुरुचा २ किलो. वजनाचा ऊस होतो. उत्पादन ८६०३२ पेक्षा २० ते २५% जास्त मिळते. रिकव्हरी ( साखरेचा उतारा) मात्र थोडा कमी आहे.

• पाणी व्यवस्थापन :-

  

  पाणी व्यवस्थापन

   ऊस बारमाही पीक असल्याने वर्षभर पाणीपुरवठा असणे जरुरीचे आहे. पिकाची वाढ व गरज लक्षात घेऊन पाणी दिले तर उसाच्या पिकाला बारा महिन्यांसाठी पावसासह शेतात एकूण २५० हेक्टर से. मी. पाणी पुरेसे होते.